យុគ ចិន្តា យំសោកបោកខ្លួនព្រោះ សាច់ញាតិស្លាប់
25-January-2016 | ដោយ ពល រាជសី
ភ្នំពេញ៖ យោងតាមគណនីហ្វេសប៊ុក របស់ពិធីការិនីរូបនេះ បានបង្ហោះរូបថតទុក្ខសោកយ៉ាងខ្លាំង ជាមួយនឹងសពលោកយាយទីពីររបស់អ្នកនាង។ ហើយរូបនាងក៏បានសរសេររៀបរាប់សារ ទាំងក្តុកក្តួលអារម្មណ៍ ខាងលើរូបថតដែរថា "(ក្ដីស្រលាញ់ ក្ដីមេតា្ត ភាពកក់ក្ដៅ ខ្ញុំលែងបានឃើញហើយ) លោកយាយទីពីររបស់ខ្ញុំ បានទទួលមរណៈភាព កាលពីយប់មិញ វេលាម៉ោង ២និង១៥ ដោយគ្រោះថ្នាក់ ដួលបោកក្បាល ពេលក្រោកចូលបន្ទប់ទឹក។ ពេលបញ្ជូនដល់មន្ទីរពេទ្យ គ្រូពេទ្យជំនាញបានប្រាប់ថា មិនអាចជួយសង្គ្រោះបានឡើយ ពីព្រោះ លោកយាយព្រះជន្ម៨២ឆ្នាំ មិនអាចធ្វើការវះកាត់បាន។ អស់រយៈកាលជាច្រើនឆ្នាំ ដែលខ្ញុំរស់នៅជាមួយគាត់ លោកយាយបានបង្រៀនខ្ញុំ ឲ្យចេះការងារគ្រប់បែបយ៉ាងទាំងអស់ ជាពិសេស ការដាំស្ល ជាស្រី្តមេផ្ទះ។ ទោះបីខ្ញុំមិនបានរស់នៅជាមួយលោកយាយរហូតមែន តែខ្ញុំនៅតែចងចាំ មិនអាចបំភ្លេចបាន ពេលដែលខ្ញុំរស់នៅជាមួយគាត់ ខណះពេលដែលខ្ញុំគ្មានម្ដាយនៅជាមួយ។ នៅមានពាក្យពេចន៍ជាច្រើន ដែលខ្ញុំចង់និយាយ......តែខ្ញុំមិនអាចទប់ទឹកភ្នែក របស់ខ្ញុំឲ្យឈប់ហូរមិនបាន..." ។
ជាមួយគ្នានោះដែរ អ្នកគាំទ្រជាច្រើននាក់ ក៏បានសម្តែងអារម្មណ៍ទុក្ខសោក ចំពោះដំណឹងនេះ និងបញ្ចេញមតិចូលរួមរំលែកទុក្ខជាច្រើន ជាមួយអ្នកនាង យុគ ចិន្តា ផងដែរ៕
ចំនួនអ្នកទស្សនា
- ថ្ងៃនេះ4161
- ម្សិលមិញ15191
- សប្តាហ៍នេះ47311
- ខែនេះ69191
- ឆ្នាំនេះ69191
- សរុប20511647